Азийн хөгжлийн банкны санхүүжилтээр Нийслэлийн Засаг Даргын Тамгын Газраас хэрэгжүүлж буй Улаанбаатар хотын орлогод нийцсэн ногоон орон сууц ба Дасан зохицох чадвар бүхий хотын шинэчлэл салбарын төслийн Баянхошуу дэд төвийн B-15 нэгж талбар буюу Сонгинохайрхан дүүргийн 9-р хорооны нутаг дэвсгэр манай байгууллагын архитектор инженерүүдийн ур ухаанаа дайчлан бүтээсэн 4 давхар, эрчим хүчний хэмнэлттэй, саарал усны ашиглалттай, нарны зайн дэлгэцтэй 110 өрхийн орон сууцны барилга болон гадна инженерийн шугам сүлжээний ажлыг зураг төслийн дагуу барилга угсралтын Сан ХХК, Содон Номин ХХК, Цамхаг Констракшн ХХК, Сити ланд ба Хаппи бийлдинг ХХК компаниуд энэ зуны бүтээн байгуулалтын улиралд гүйцэтгэж байна.

Татах хүч ХХК-ны инженерингийн багийнхан зураг төсөл зохиогчийн хяналтыг барилга угсралтын гүйцэтгэгч байгууллагын ажлын гүйцэтгэлтэй уялдуулан зураг төсөлтэй холбоотой тодруулгыг өгөх, барилгат ашиглах материалыг баталгаажуулах болон барилгын талбайд зохиогчийн чанарын хяналтыг гүйцэтгэн ажиллаж байна.

Төслийн бүх оролцогчид нь барилга угсралтад дулаан алдагдал хамгийн бага, байгальд ээлтэй материалыг ашиглаж, нарны цахилгаан үүсгүүрийг нэвтрүүлсэн мөн ус, цахилгааны ашиглалтын зардлыг 20 хувь хүртэл бууруулсан, шинэлэг технологийг нэвтрүүлсэн эрчим хүчний хэмнэлттэй инженерийн иж бүрэн ногоон шийдлийг агуулсан цогц эко хороолол болгох гээд хичээн ажиллаж байна.